Unitat d’Aran – Partit Nacionalista Aranés vò commemorar eth 30au aniversari des Ajuntaments democratics en dia d’aué, quan se celebrèren es prumères eleccions municipaus en an 1979. Unitat d’Aran, per miei deth sòn president Arturo Calbetó e eth secretari generau Francés Boya, reconeish era vocacion de servici public e er esfòrç de toti aqueri que constituïren es prumèrs consistòris, en qué UA devenguec era principau fòrça politica, era clara triomfadora des prumères eleccions democratiques en Aran. Gràcies ad a eri, Aran artenhec quate granes hites: eth reconeishement dera identitat pròpria, era melhora dera assisténcia sanitària, era explotacion controtlada des bòsqui e era gestion racionau der Urbanisme per miei des Normes Subsidiàries, vigentes encara aué. A compdar d’alavetz, eth prètzhèt des òmes e hemnes d’UA a devengut primordiau entà atier es naui besonhs dera ciutadania.
Unitat d’Aran torne a èster aué era prumèra fòrça municipau e era prumèra deth país, en tot governar eth Conselh Generau d’Aran, era maxima institucion d’autogovèrn. Pr’amor d’açò, son fòrça es rèptes qu’es òmes e hemnes d’UA tornen a encarar ath servici des sòns vesins e vesies ena prestacion des politiques sociaus, de foment dera economia e eth trabalh e en apregondiment der autogovèrn. En aguest sens, UA reivindique ua naua Lei de finances locaus e balhe supòrt ath Conselh Generau entà aprovar ua naua Lei de regim especiau, que permete melhorar de forma substanciau eth finançament des pròpries competéncies e, d’aguesta forma, eth benèster de toti es ciutadans e ciutadanes d’Aran.
www.unitatdaran.org
